Երկուշաբթի, 24 օգոստոսի, 2026 թ.
|
Ստեփանակերտում`   +22 °C

«Խիստ կարանտին կլինի այն ժամանակ, երբ քաղաքացիները մնան առանց պատշաճ բուժօգնության». Արսեն Թորոսյան

«Խիստ կարանտին կլինի այն ժամանակ, երբ քաղաքացիները մնան առանց պատշաճ բուժօգնության». Արսեն Թորոսյան
401
Չորեքշաբթի, 27 մայիսի, 2020 թ., 19:20

ԱԺ-Կառավարություն հարցուպատասխանի ժամանակ ՀՀ Առողջապահության նախարար Արսեն Թորոսյանն անդրադարձավ մայիսի 4-ին իր արած այն հայտարարությանը, թե մինչև հունիսի վերջ, հնարավոր է, որ ունենանք 500 հազար կորոնավիրուսով վարակված քաղաքացի:

«Բարեբախտաբար, մենք չենք ունենա այդքան դեպք հունիսի վերջին, նույնիսկ՝ նման ահագնացող աճի տեմպերի դեպքում»,- հայտարարեց նախարարը:

ԱԺ պատագամավոր Արման Բաբաջանյանը Արսեն Թորոսյանից հետաքրքրվեց, թե ո՞ր պարագայում ՀՀ-ն կարող է վերադառնալ խիստ կարանտինային պայմաններին: Ի պատասխան՝ Առողջապահության նախարարն ասաց. «Այդտեղ կարելի է կիրառել թե՛ պարզ բանաձև, թե՛՝ մի քիչ ավելի բարդ հաշվարկներ: Դա կլինի այն ժամանակ, երբ մեր քաղաքացիները կմնան առանց պատշաճ բուժօգնության և խոսքը միայն հիվանդանոցային բուժման մասին չէ, որովհետև մենք բուժօգնություն տրամադրում ենք նաև տնային պայմաններում»: