ԱՄՆ Մինեապոլիս քաղաքում բողոքի զանգվածային ցույցերի ֆոնին արտակարգ դրություն է հայտարարվել

1212

Ուրբաթ, 29 մայիսի, 2020 թ., 13:15

Մինեսոտա նահանգի Մինեապոլիս քաղաքում սևամորթ տղամարդու սպանությունից հետո բողոքի զանգվածային ցույցերը վերածվել են ոստիկանության հետ բախումների։ Քաղաքապետ Ջեյքոբ Ֆրեյը քաղաքում եռօրյա արտակարգ դրություն է հայտարարել:

ԱՄՆ նախագահ Դոնալդ Թրամփը նշել է, որ եթե իրավիճակը «թույլ» քաղաքապետի կողմից չվերցվի վերահսկողության տակ, ապա ինքն Ազգային գվարդիան կուղարկի քաղաք:

«Ես չեմ կարող հեռու մնալ և պարզապես նայել, թե ինչ է կատարվում Մինեապոլիս քաղաքում»,- գրել է Թրամփը՝ Twitter միկրոբլոգի իր էջում: Բացի այդ Թրամփը ցուցարարներին «ավազակներ» է անվանել։

Մինեսոտա նահանգի նահանգապետ Թիմ Ուոլսը ստորագրել է հրամանագիր՝ համաձայն որի ԱՄՆ Ազգային գվարդիայի զինվորականները կմիջամտեն իրավիճակին՝ քաղաքում կարգ ու կանոնը պահպանելու համար։