Նախատեսվում է «Տիրինկատարի վիշապաքարերը և մշակութային լանդշաֆտը» հայտը ՅՈՒՆԵՍԿՕ-ի հիմնական ցանկում գրանցել 2028-2029 թթ.

ԿԳՄՍՆ հուշարձանների պահպանության վարչության պետ Հարություն Վանյանի ֆեյսբուքյան գրառումը․ «ՀՀ Արագածոտնի մարզի Ավան գյուղի վարչական տարածքում՝ ծովի մակերևույթից մոտ 3000 մ բարձրության վրա, գտնվում է Տիրինկատար (Կարմիր սար) կոչվող հնավայրը։
«Տիրինկատարի վիշապաքարերը և մշակութային լանդշաֆտը» հայտը 2024 թ. գրանցվել է ՅՈՒՆԵՍԿՕ-ի Համաշխարհային ժառանգության նախնական ցանկում:
Նպատակ ունենալով հայտը գրանցել նաև հիմնական ցանկում՝ նույն տարում իրականացվել է նաև հաջորդ պարտադիր փուլը՝ նախնական գնահատման հայտի (Preliminary Assessment) ներկայացումը ՅՈՒՆԵՍԿՕ: Հաշվի առնելով 2025 թ. ստացված ICOMOS-ի փորձագետների կարծիքները և բարձրացված հարցերին հայտում պատասխանելու անհրաժեշտությունը՝ ՀՀ կրթության, գիտության, մշակույթի և սպորտի նախարարություն պատվերով ՀՀ ԳԱԱ ՀԱԻ / Institute of Archaeology & Ethnography 2026 թ. իրականացրել է հնագիտական պեղումներ: Նախատեսվում է հայտը հիմնական ցանկում գրանցել 2028-2029 թթ.: