ԵՄ հինգ երկիր առաջարկում է հարյուր միլիարդավոր եվրոյի բյուջետային կրճատումներ

Ավստրիայի, Գերմանիայի, Դանիայի, Նիդերլանդների և Ֆինլանդիայի առաջնորդները կոչ են արել Եվրոպական հանձնաժողովի (ԵՀ) կողմից առաջարկվող երկարաժամկետ բյուջեն կրճատել մի քանի հարյուր միլիարդ եվրոյով։ Նրանք այս մասին գրել են Politico-ի համատեղ սյունակում։

Սյունակը ստորագրել են Գերմանիայի կանցլեր Ֆրիդրիխ Մերցը, Դանիայի վարչապետ Մետտե Ֆրեդերիկսենը, Նիդեռլանդների վարչապետ Ռոբ Յետենը, Ավստրիայի կանցլեր Քրիստիան Շտոքերը և Ֆինլանդիայի վարչապետ Պետերի Օրպոն։

«Մենք կոչ ենք անում Եվրոպական հանձնաժողովի առաջարկը հավասարակշռված կրճատել մի քանի հարյուր միլիարդ եվրոյով», - նշել են հեղինակները։

ԵՄ առաջնորդները ԵՄ կողմից առաջարկվող անվանական բյուջեի մոտավորապես 60%-ով ավելացումն անվանել են անիրատեսական և դեմ են եղել նոր առաջնահերթությունների ֆինանսավորմանը՝ պարզ ծախսերի ավելացման միջոցով։ Միևնույն ժամանակ, առաջնորդները չեն առաջարկում կրճատել բյուջեն՝ համեմատած ներկայիս յոթամյա ֆինանսական ծրագրի հետ. նրանց կարծիքով, այն պետք է աճի, բայց ավելի շատ միջոցներ պետք է հատկացվեն անվտանգությանը և պաշտպանությանը, մրցունակությանը, նորարարությանը և անօրինական միգրացիայի դեմ պայքարին։