Երկուշաբթի, 13 հուլիսի, 2020 թ.
|
Ստեփանակերտում`   +19 °C

Վարչապետը՝ կորոնավիրուսի երկրորդ ալիքի մասին

Վարչապետը՝ կորոնավիրուսի երկրորդ ալիքի մասին
185
Երկուշաբթի, 01 հունիսի, 2020 թ., 20:30

«Ամենօրյա աշխատանք է տարվում վերակենդանացման բաժանմունքում մահճակալներն ավելացնելու ուղղությամբ»,- այսօր տեղի ունեցած ճեպազրույցում ասել է վարչապետ Նիկոլ Փաշինյանը:

Առողջապահության նախարար Արսեն Թորոսյանն էլ հավելել է, որ վերջին օրերին արդեն ավելացումներ ունեցել են. «Խոսքը Արտաշատի ԲԿ-ի, Օրթոպեդիայի և Վնասվածքաբանության գիտական կենտրոնի մասին է: Սակայն երեք խոշոր ավելացումներ ենք ունենալու՝ մեկը «Աստղիկ» ԲԿ-ում՝ մոտավորապես 20 ռեանիմացիոն մահճակալ ևս 20 ինտենսիվ թերապիայի մահճակալ Սբ Գրիգոր Լուսավորիչ ԲԿ-ում՝ մոտ 50 մահճակալ և Էրեբունի ԲԿ-ում՝ մոտավորապես 45 ռեանիմացիոն մահճակալ»,- տեղեկացրեց նախարարը:

Վարչապետը նշեց, որ թեև լարված է իրավիճակը, սակայն ամեն ինչ արվում է, որպեսզի ճգնաժամ չունենանք:

Խոսելով հիվանդության երկրորդ ալիքի մասին՝ Ն. Փաշինյանը նշեց, որ պետք է ամեն ինչ անել այդ ալիքը հսկողության տակ առնելու համար. «Երկրորդ ալիքը հենց այն էր, որ դեպքերի որոշակի նվազումից հետո մենք կրկին ունենում ենք այսպիսի աճ»։

Նա հույս հայտնեց, որ մեր քաղաքացիները կունենան բավարար ինքնագիտակցություն՝ հակահամաճարակային կանոնները պահպանելու համար: