Ուրբաթ, 10 հուլիսի, 2020 թ.
|
Ստեփանակերտում`   +18 °C

«Փետրվարից ողջ անձնակազմով պայքարում ենք այս հիվանդության դեմ». «Նորք» ինֆեկցիոն հիվանդանոցի տնօրեն

«Փետրվարից ողջ անձնակազմով պայքարում ենք այս հիվանդության դեմ». «Նորք» ինֆեկցիոն հիվանդանոցի տնօրեն
112
Շաբաթ, 06 հունիսի, 2020 թ., 19:47

«Այո, մենք կարող ենք հաստատել, որ լինում են դեպքեր, երբ մարդն ունենում է կորոնավիրուս, սակայն այն ընթանում է թեթև, որոշ դեպքերում անախտանիշ, սակայն այս պարագայում կա մի կարևոր փաստ, եթե մենք ինքներս բավականին լուրջ չվերաբերվենք այդ իրավիճակին, չպահպանենք հակահամաճարակային բոլոր կանոնները, միջոցառումները, լուրջ վտանգի տակ կդնենք մեզ շրջապատող մարդկանց: Եկեք չմոռանանք, որ նրանց մեջ են մեր ծնողները, մեր տատիկ-պապիկները»,- այսօր պարետատան նիստից հետո տեղի ունեցած ճեպազրույցում ասաց «Նորք» ինֆեկցիոն հիվանդանոցի տնօրեն Մհեր Դավիդյանցը՝ նշելով, որ այսօր գերակշռում են ծանր և ծայրահեղ ծանր դեպքերը:

Նա նշեց, որ հիվանդանոցի ողջ անձնակազմով փետրվարից պայքարում են հիվանդության դեմ. «Հավատացեք, մենք 4 ամիս է՝ չգիտենք ինչ բան է հանգիստը, մենք բոլորս կտրվել ենք մեր ընտանիքներից, մեր ամբողջ օրն անցկացնում ենք հիվանդանոցում»,- ասաց Դավիդյանցը: