«Կտամ բերնիդ». լարված միջադեպ՝ Դանիել Իոաննիսյանի ու Սայաթ Շիրինյանի միջև

«Իրազեկ քաղաքացիների միավորում» ՀԿ-ի ղեկավար Դանիել Իոաննիսյանը Երևանում իրականացրել է հակահամաճարակային կանոնների հսկման ու աջակցման ակցիա, որն ուղեկցվել է լարված միջադեպով:

Նա մոտեցել է ավտոտնակներից մեկում գտնվող տղամարդու, ով, պարզվել է, ոստիկանության լրատվական ծառայության նախկին պետ, գնդապետ Սայաթ Շիրինյանն է: Իոաննիսյանը վերջինից պահանջել է դիմակ կրել, սակայն նա զայրացել է՝ ասելով, թե ինքն ավտոտնակում է, իսկ ավտոտնակը կցված է իր տանը, ու ոչ ոք չի կարող իրեն պահանջել իր տանը դիմակ կրել: «Մի քայլ էլ առաջ եկար, կտամ բերնիդ»,- բարկացած ասել է Շիրինյանը: