Ուրբաթ, 29 մարտի, 2024 թ.
|
Ստեփանակերտում`   +16 °C

Պուտինի կուսակցությունը մտահոգված է Ծառուկյանի շուրջ ստեղծված իրավիճակով

Պուտինի կուսակցությունը մտահոգված է Ծառուկյանի շուրջ ստեղծված իրավիճակով
986
Հինգշաբթի, 18 հունիսի, 2020 թ., 21:20

ՌԴ-ում իշխող «Եդինայա Ռոսիա» կուսակցությունը մտահոգություն է հայտնել «Բարգավաճ Հայաստան» կուսակցության շուրջ ստեղծված իրավիճակի առնչությամբ և հույս հայտնել, որ այն շուտափույթ լուծում կստանա՝ օրենքի խստագույն պահպանմամբ: Այս մասին հայտնում է կուսակցության մամուլի ծառայությունը:

«Ցանկանում ենք, որ մեր հայ գործընկերները շուտափույթ դուրս գան առաջացած կոնֆլիկտից, որն արձագանք է ստացել Հայաստանի Հանրապետության սահմաններից շատ հեռու: «Եդինայա Ռոսիա» և «Բարգավաճ Հայաստան» կուսակցությունները 2008 թվականից հաջողությամբ համագործակցում են՝ «ի շահ երկու երկրների ժողովուրդների»», - ասված է հայտարարության մեջ:

Նշենք, որ «Եդինայա Ռոսիա» կուսակցության ղեկավարն է Ռուսաստանի նախկին վարչապետ Դմիտրի Մեդվեդևը։