«Հեղեղատարները «խնամքով» թաքնված են եղել ասֆալտբետոնե ծածկի տակ». Լևոն Զաքարյան

Երևանի ավագանու «Իմ քայլը» խմբակցության անդամ Լևոն Զաքարյանը ֆեյսբուքյան իր էջում գրել է. «Անձրևատար դիտահորերի բացակայության հետևանքով հորդ անձրևները հաճախ հեղեղում են փողոցները՝ կաթվածահար անելով երթևեկությունը: Հր. Քոչար փողոցի չորս հեղեղատար անփութության հետևանքով տարիներ շարունակ «խնամքով» թաքնված են եղել ասֆալտբետոնե ծածկի տակ: Դրանք հայտնաբերվել և վերականգնվել են միայն անցյալ տարի՝ մայթի վերանորոգման աշխատանքների ընթացքում:

Տարբեր փողոցներում նման ճակատագրի են արժանացել նաև եզրաքարերը։ Այդ մասին՝ հաջորդիվ»։