Հինգշաբթի, 28 մարտի, 2024 թ.
|
Ստեփանակերտում`   +7 °C

«Երբ ասում ենք՝ Զանգակատան ուղղությամբ են կրակել՝ չի նշանակում, որ Զանգակատան վրա են կրակել»․ Ա. Հովհաննիսյան

«Երբ ասում ենք՝ Զանգակատան ուղղությամբ են կրակել՝ չի նշանակում, որ Զանգակատան վրա են կրակել»․ Ա. Հովհաննիսյան
677
Շաբաթ, 18 հուլիսի, 2020 թ., 12:00

«Արցախում ԱԹՍ խոցելը որևէ կերպ չի կարող լինել հանգամանք, որը նշանակի՝ մարտերը տեղափոխվել են Արցախ, որովհետև Արցախի ուղղությամբ առանց այս մարտերի էլ ԱԹՍ-եր խոցվում են, այսինքն դա ցուցիչ չէ, բայց դա բացառել էլ չի կարելի,- այսօրվա ճեպազրույցի ժամանակ նշեց Արծրուն Հովհաննիսյանը։

Անդրադառնալով Զանգակատան ուղղությամբ կրակոցներին՝ ՀՀ ՊՆ ներկայացուցիչն ասաց․

«Երբ ասում ենք, որ Զանգակատան ուղղությամբ են կրակել, դա չի նշանակում, որ Զանգակատան վրա են կրակել, որովհետև երբ պաշտոնական տեղեկություններում նշում ենք «ուղղություն», մենք, որպես կանոն, նկատի ունենք այդ ուղղության վրա տեղակայված մարտական հենակետերը։

Արծրուն Հովհաննիսյանն ասաց, որ բնակավայրերի մասին առանձին շեշտվում է, իսկ ինքն այս պահին տեղեկություն չունի, որ կոնկրետ Զանգակատան վրա կրակոց է եղել։

«Այս ուղղությամբ մենք ունենք մարտական հենակետեր և երեկ էլ է այս ուղղությամբ կրակոցներ եղել»,- հավելեց ՀՀ ՊՆ ներկայացուցիչը։