Հայկ Սարգսյանը ևս Սևանում մասնակցել է ՔՊ-ի քաղաքական ժողովին

Այսօր Սևանա լճի ափին տեղի է ունեցել ՔՊ կուսակցության ութերորդ քաղաքական ժողովը։ Փաշինյանի գլխավորությամբ տեղի ունեցած ժողովին մասնակցել են Կառավարության անդամներ, պատգամավորներ, վարչության ղեկավար կազմը։

Փաշինյանի հրապարակած կադրերից երևում է, որ ներկա է նաև Հայկ Սարգսյանը։

Հիշեցնենք, որ նախօրեին Փաշինյանը սպառնացել էր իր թիմակցին կալանքով՝ հայտարարելով, որ Սարգսյանն օլիգարխ դառնալու հավակնություններ է ունեցել։

Ավելի վաղ հայտնել էինք, որ շրջանառվող տեղեկությունների համաձայն՝ Հայկ Սարգսյանի նկատմամբ քրեական վարույթ է հարուցվել։