Ուրբաթ, 29 մարտի, 2024 թ.
|
Ստեփանակերտում`   +16 °C

Պատրիարք Կիրիլը դիմում է Հայաստանին և Ադրբեջանին

Պատրիարք Կիրիլը դիմում է Հայաստանին և Ադրբեջանին
820
Ուրբաթ, 24 հուլիսի, 2020 թ., 11:50

Մոսկվայի և Համայն Ռուսիո պատրիարք Կիրիլը դիմել է Հայաստանին և Ադրբեջանին՝ հորդորելով երկխոսություն սկսել և չհետևել ծայրահեղականների առաջնորդությանը, գրում է Gazeta-ն՝ հղում անելով Ռուսաստանի ուղղափառ եկեղեցու կայքում հայտնված հայտարարությանը։ «Ռուսաստանի ուղղափառ եկեղեցին հակամարտության կողմերին կոչ է անում երկխոսություն սկսել։ Կոչ եմ անում ձեզ՝ չհետևել այն ուժերի առաջնորդությանը, որոնք օգտվում են Կովկասում լարվածության աճից»,- նշվում է հայտարարության մեջ: Ըստ նրա՝ Կովկասում նոր պատերազմը կհանգեցնի ահաբեկչության և ծայրահեղականության, որը երկար ժամանակ կզրկի տարածաշրջանը խաղաղությունից ու հանգստությունից։ Պատրիարք Կիրիլը հայտնել է, որ Ռուսաստանի ուղղափառ եկեղեցին աղոթում է հակամարտության շուտափույթ կարգավորման համար: