«Իշխանությունը պետբյուջեից լավություններ է անում»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Հերիք է մեր մուծած հարկերից գոյացած պետբյուջեից մեծահարուստներին հարկային, մաքսային արտոնություններ տաք.
Հայաստանի անկախանալուց առաջ ասում էին, որ «Ջերմուկը» կպահի Հայաստանը։ Սակայն «Ջերմուկը» Արսենյանների ընտանիքին է շատ շքեղ պահում։ Իրենք էլ ամեն անգամ գլխների պիլոտկան փոխելով ու քաղաքական ուղեգիծը փոխելով՝ մնում են օրվա իշխանության կողքին։ Իշխանությունն էլ հարկատուներիս մուծած հարկերից գոյացած պետական բյուջեից լավություններ է անում իրենց։ Կառավարությունը սեպտեմբերի 24-ի նիստում որոշել է «Ջերմուկ Գրուպ» ՓԲԸ-ին տրամադրել 270․7 միլիոն դրամի մաքսատուրքային արտոնություն։ Սա էլ որերորդ անգամ կառավարությունը «Ջերմուկ Գրուպ»-ին և Հայաստանի մեծահարուստների ընկերություններին հարկային ու մաքսային արտոնություններ է տալիս։ Դրա հետևանքով հարյուրավոր միլիարդ դրամներ չեն մտնում պետբյուջե, այդ փողերով բազում դպրոցներ, ջրամբարներ,հակակարկտային կայաններ չեն կառուցվում»։