«Վստա՞հ ենք, որ սահմանին աշխատանքներ կատարող Իրանի ու Հնդկաստանի քաղաքացիներ մեջ չկան թշնամու գործակալներ»․ Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Երբ ես խոսում եմ Հայաստանի անվտանգային խնդիրների մասին ու մատնանշում հատկապես Իրանի ու Հնդկաստանի քաղաքացիներից եկող վտանգների մասին, պետք է հասկանալ դրա տակ եղած խորքային խնդիրները։
Մեր երկրում հիմա 30,000-ից ավելի Իրանի և 80,000-ից ավելի Հնդկաստանի քաղաքացիներ կան, որոնց գործունեությունը որևէ կերպ չի վերահսկվում Հայաստանի անվտանգային մարմինների կողմից։ Ավելին, այդ մարդկանց մի մասը ներգրավված է Հայաստանի սահմանամերձ բնակավայրերում, նույնիսկ բուն սահմանին, դիրքերում կատարվող աշխատանքների մեջ՝ հասանելիություն ունենալով պետական ու ռազմական գաղտնիքներին։
Վստա՞հ ենք արդյոք, որ այդ մարդկանց մեջ չկան թշնամու գործակալներ, որոնք ստացած տեղեկությունները պարբերաբար փոխանցում են Ադրբեջանին։
Հիմա երբ փորձում ենք խնդիրը արձանագրել ու կանխել հնարավոր վտանգները, չպետք է դա ընկալել որպես Իրանի կամ Հնդկաստանի դեմ գործողություն։ Այդ երկու երկրները մեզ բարեկամ պետություններ են, բայց բարեկամ լինելը չի նշանակում կորցնել ամբողջ իմունիտետը»։