«Եկել ենք մի կետի, երբ մեր կողմից փառաբանված եվրոպական արժեքները պետք է պաշտպանենք հենց եվրոպացիներից»․ Նաիրա Կարապետյան

«Միջազգային կառույցների հանցավոր անգործությունը բերել- հանգեցրել է նրան, որ ՀՀ-ում ոտնահարվում է ժողովրդավարությունը։ Եկել ենք մի կետի, երբ մեր կողմից փառաբանված եվրոպական արժեքները պետք է պաշտպանենք հենց եվրոպացիներից»,- Գագիկ Ծառուկյանի պաշտպանության հանրային խորհրդի անդամների ասուլիսի ժամանակ հայտնել է ԱԺ նախկին պատգամավոր Նաիրա Կարապետյանը՝ խոսելով Հայաստանում քաղաքական գործիչների դեմ հարուցված քրեական գործերի մասին։ «Եվրոպական կառույցների և եվրոպական քաղաքական գործիչների մեծամասնությունը մեր իշանություններին տվել են քարտ-բլանշ՝ մեծ օրակարգում իր դերը կատարելու և հանձնարարությունն ավարտին հասցնելու համար»,- նշել է Կարապետյանը։