Ամուլսարից բերման ենթարկվածների թիվը 7-ն է. ՈՒՂԻՂ ՄԻԱՑՈՒՄ

Ամուլսարում տեղի ունեցող բողոքի ակցիայի վայրից բերման է ենթարկվել 7 քաղաքացի. կազմվել է վարչական իրավախախտման 182 դեպք։ 3 ժամը լրանալուն պես բերման ենթարկվածներն ազատ կարձակվեն: Ըստ բնապահպան Շիրակ Բունիաթյանի՝ նրանք կվերադառնան Ամուլսար ու կհայտարարեն իրենց հետագա անելիքների մասին: Այս պահին էլ բողոքի նստացույցը շաունակվում է, ցուցարարները պահանջում են, որ ժամանի Նիկոլ Փաշինյանը: Ավելի վաղ հայտնել էնք, որ ցուցարարները փակել են Ջերմուկ քաղաք տանող ճանապարհը։ Մարզի ոստիկանապետ Գևորգ Ազիզյանը նրանց 15 րոպե ժամանակ էր տվել՝ ավտոճանապարհը բացելու համար, ինչից հետո տեղի ունեցած քաշքշուկի ժամանակ Ոստիկանության «Վիլիս»-ը վրաերթի էր ենթարկել Գնդեվազի բնակիչներից մեկին:

Հիշեցնենք, որ «Լիդիան» ընկերության վարձած նոր պահնորդական ծառայությունը Ամուլսարի պահապանների վագոն-տնակները հանել ու փոխարենը դրել է իրենցը:

Հավելենք, որ Կառավարությունը դեռևս ոչ մի պաշտոնական արձագանք տեղի ունեցածի մասին չի հայտնել: