Արցախում անհայտ անձը հրկիզել է 7 առանձնատուն, 3 կացարան և մեկ ալրաղաց

5682

Երեքշաբթի, 01 սեպտեմբերի, 2020 թ., 16:30

Արցախի քննչական կոմիտեից հայտնում են, որ անհայտ անձը հրկիզման եղանակով դիտավորությամբ ոչնչացնելու կամ վնասելու նպատակով հրդեհել է ԱՀ Մարտակերտի շրջանի Թալիշ համայնքում տեղակայված Ն. Ա-ին, Բ. Ս-ին, Գ. Օ-ին, Ա. Ա-ին, Վ. Ա-ին, Ն. Ս-ին և Զ. Դ-ին պատկանող առանձնատները և թվով երեք կացարաններ, ինչպես նաև համայնքին պատկանող ալրաղացը՝ պատճառելով նշված ֆիզիկական և իրավաբանական անձանց առանձնապես խոշոր չափերի հասնող գույքային վնաս:

Դեպքի առթիվ ԱՀ քննչական կոմիտեի տարածքային քննչական վարչության երկրորդ քննչական բաժնում ԱՀ քրեական օրենսգրքի 191-րդ հոդվածի 3-րդ մասի 1-ին կետով վարույթ ընդունված քրեական գործի նախաքննությունը շարունակվում է:

Իրականացվում են անհետաձգելի քննչական գործողություններ հանցագործություն կատարած անձին հայտնաբերելու ուղղությամբ: