Հինգշաբթի, 19 նոյեմբերի, 2026 թ.
|
Ստեփանակերտում`   +7 °C

Հորմուզի նեղուցում այրվում է 2 սուպերլցանավ

Հորմուզի նեղուցում այրվում է 2 սուպերլցանավ
32
Այսօր, 21:55

Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերը հայտնել են՝ Հորմուզի նեղուցում երկու սուպերլցանավեր, որոնք խախտել են կանոնները, բախվել են ծովային ականների և պայթել։

Իրանական ԶԼՄ-ների փոխանցմամբ, ԻՀՊԿ ռազմածովային ուժերի հասարակայնության հետ կապերի բաժնի տվյալներով՝ ավելի քան 4 միլիոն բարել հում նավթ տեղափոխող նավերն այրվում են Հորմուզի նեղուցի հարավային ափի մոտ։

Նշվում է, որ դրանք փորձում էին գաղտնի անցնել Հորմուզի նեղուցի արգելված երթուղով՝ ԱՄՆ-ի ռազմական ինքնաթիռների և դրանց վերևում թռչող հետախուզական անօդաչու թռչող սարքերի աջակցությամբ, իսկ ականներին բախվելուց և պայթելուց հետո անձնակազմը լքել է նավերը։

ԻՀՊԿ ռազմածովային ուժերը զգուշացրել են, որ այն լցանավերի նկատմամբ, որոնք «գտնվում են ԱՄՆ-ի մարդասպան և հանցավոր զինվորականների հրամանատարության ներքո կամ համագործակցում են նրանց հետ», կիրառվելու են կոշտ միջոցներ, եթե դրանք հատեն Հորմուզի նեղուցի չթույլատրված երթուղիները։