Միայնակ կանայք ծեր տարիքում ավելի առողջ և երջանիկ են, քան ամուսնացածնները. գիտնականներ

Ուսումնասիրությունները ցույց են տվել, որ այրի լինելը կարող է օգտակար լինել առողջության համար, քանի որ այս կանայք ավելի քիչ են տառապում ծերության սթրեսից, քան իրենց ամուսնացած հասակակիցները:
Փադուի համալսարանից, հոգեբանական գիտությունների դոկտոր Կատերինա Թրեվիսանը ասում է, որ կնոջ ներկայությունը մեծ օգուտ է բերում տարեց տղամարդկանց՝ տնային տնտեսության կառավարման և առողջության պահպանման տեսանկյունից, մինչդեռ կանայք «ամենայն հավանականությամբ սթրես են ապրում և իրենց դերն ամուսնության մեջ համարում են սահմանափակող և հիասթափեցնող»:
Քանի որ կանայք, որպես կանոն, ավելի երկար կյանք ունեն, քան տղամարդիկ, շատ տարեց կանայք տառապում են խնամքի բեռի հետևանքներից, այն պատճառով, որ նրանք հաճախ ստիպված են ամբողջովին հոգ տանել իրենց ամուսնու մասին՝ իրենց ողջ կյանքի ընթացքում:
Մեկ այլ հետազոտությամբ պարզվել է, որ նույնիսկ երիտասարդ կանանց ամուսիններն առաջացնում են ավելի շատ սթրես և պահանջում ավելի շատ խնամք, քան երեխաները։
Պարզվել է, որ գեղեցիկ սեռի շատ ներկայացուցիչների համար ամուսնությունը նույնքան ջանք է պահանջում, որքան մայրությունը։ Ինչպես պարզվել է, միջին տարիքի մայրիկն ընտանեկան կյանքի հետևանքով սթրեսի մակարդակը գնահատում է 10-8,5: Ավելին, այս հետազոտությանը մասնակցած կանանց 46%-ը հայտնել է, որ իրենց ամուսիններն ավելի շատ խնդիրներ են առաջացնում, քան փոքր երեխաները:
Ահա հարցման արդյունքների ամփոփումը:
• Ամուսնացած կանանց 75%-ը պնդում է, որ երեխայի դաստիարակության և խնամքի պարտականությունների մեծ մասը բացառապես իր ուսերին է,
• Երիտասարդ մայրերի 20%-ը պնդում է, որ իրենց սթրեսի հիմնական պատճառը ամուսինների կողմից օգնության բացակայությունն է,
• Հարցմանը մասնակցած գրեթե բոլոր կանայք հայտարարել են, որ իրենց սթրեսը մեծամասամբ առաջացել է տնային պարտականությունների պատճառով ժամանակի պակասից
Բացի այդ, Փադուայի համալսարանի գիտնականները հայտնաբերել են, որ կնոջ մահից հետո ամուսնու առողջական վիճակը վատանում է, իսկ երբ կանայք կորցնում են իրենց ամուսիններին, ապա փաստացի առողջ են դառնում և ավելի հեշտ են հաղթահարում դեպրեսիան և սթրեսը:
Հետազոտողները կասկածում են, որ դա պայմանավորված է նրանով, որ տղամարդիկ հակված են ավելի շատ հույս դնել իրենց զուգընկերուհիների վրա, քան հակառակը։
Ամուսնացած կանանց գիտնականները խորհուրդ են տալիս միշտ հիշել, որ ամուսինները լիարժեք զուգընկերներ են։ Այնպես որ, համոզվեք, որ դուք ծախսում եք ձեզ վրա այնքան ժամանակ, որքան ձեր ամուսնու խնամքի վրա: