«Թուրքիան աջակցում է Ադրբեջանին, բայց դա չի նշանակում, որ մենք աջակցում ենք Հայաստանին». ՄԱԿ-ում ՌԴ ​​ներկայացուցիչ

Ռուսաստանը հանդես է գալիս արցախյան հակամարտության կարգավորման օգտին և չի աջակցում կողմերից ոչ մեկին: Այս մասին հայտարարել է ՄԱԿ-ում Ռուսաստանի Դաշնության մշտական ​​ներկայացուցիչ Վասիլի Նեբենզյան: «Թուրքիան միանշանակ աջակցում է Ադրբեջանին: Մենք դա գիտենք: Բայց դա չի նշանակում, որ մենք հակառակ կողմում ենք, ու աջակցում ենք Հայաստանին: Դա այդպես չէ: Մենք արդար կարգավորման կողմնակիցն ենք, մենք կրակի դադարեցման կողմնակիցն ենք, մենք մարտական գործողությունների դադարեցման կողմնակիցն ենք: Մենք ուզում ենք, որ երկու տերություններն էլ դադարեցնեն էսկալացիան»,- հայտարարել է նա: