Շաբաթ, 21 նոյեմբերի, 2026 թ.
|
Ստեփանակերտում`   +8 °C

«Դիրքային փոփոխություններ շատ հաճախ են լինում». Արծրուն Հովհաննիսյան

«Դիրքային փոփոխություններ շատ հաճախ են լինում». Արծրուն Հովհաննիսյան
427
Շաբաթ, 03 հոկտեմբերի, 2020 թ., 21:25

«Հայ-ադրբեջանական սահմանին այդպիսի թեժ մարտական գործողություններ չեն մղվում, բայց մենք հետևում, վերահսկում ենք հակառակորդի գործողությունները։ Մեր ԶՈՒ-երն այստեղ էլ իրենց խնդիրը կատարում են բարձր մակարդակով։ Խուճապի մատնվել պետք չէ, ամեն չնչին փորձ արագ կասեցվում է»,- այսօր՝ ճեպազրույցի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը:

Նա ասաց, որ այս պահին դժվար է խոսել դիրքային փոփոխությունների մասին. «Ես որևէ դիրքի, ուղղության մասով մարտավարական բնագծեր չեմ կարող ներկայացնել։ Կոնկրետ ով որ պահին որ դիրքի վրա է գտնվում, չեմ կարող նշել։ Ծանր ու համառ մարտեր են գնում, դիրքային փոփոխությունները շատ հաճախ են լինում, հետևաբար առանձնահատուկ ֆիքսվել պետք չէ։ Այսպիսի մեծ պատերազմում դիրքային փոփոխությունները բնական երևույթ են. մեկ ժամ հետո կվերցնենք էս մի դիրքը, մի ժամ հետո կարող ենք թողնել և այլն»,- ասաց Հովհաննիսյանը: