Շաբաթ, 21 նոյեմբերի, 2026 թ.
|
Ստեփանակերտում`   +8 °C

Արծրուն Հովհաննիսյանը՝ հակառակորդի սպառազինության կորուստների մասին

Արծրուն Հովհաննիսյանը՝ հակառակորդի սպառազինության կորուստների մասին
553
Հինգշաբթի, 08 հոկտեմբերի, 2020 թ., 21:35

«Ոչ մի բանակի սպառազինություն այսպիսի ինտենսիվ մարտական գործողությունների մեջ կիրառելիս անսպառ չէ, և ինչքան էլ զուգահեռ մատակարարումներ իրականացնես, չես կարող այդ կորուստները նույն տեմպով վերականգնել»,- ճեպազրույցի ժամանակ հայտարարեց ՀՀ ՊՆ ներկայացուցիչ Արծրուն Հովհաննիսյանը՝ անդրադառանալով հակառակորդի սպառազինության կորուստներին:

Նա հայտնեց, որ առաջին հինգ օրերի ընթացքում հակառակորդի կորուստների տեմպերը չափազանց բարձր էին. «Հիմա անկում են ապրում, որովհետև այդքան տեխնիկա չկա, որ նույն ինտենսիվությամբ կիրառեն։ Դրա փոխարեն հիմա ավելի շատ կիրառում են հրետանի։ Փորձում են համառորեն շարունակել իրենց ցեղասպան, տեռորիստական գործողությունները։ Ինչքան կտևի սա՝ բարդ է կանխատեսել»,- ասաց ՊՆ ներկայացուցիչը:

Հովհաննիսյանը նշեց, որ հակառակորդի սպառազինության մեծ մասն ադրբեջանական է՝ խորհրդային, ռուսական արտադրության:

«Սպառազինության բարձր տեխնոլոգիական տոկոսը պատկանում է իսրայելական արտադրությանը, այս նույն ոլորտում կա նաև թուրքական մասնաբաժինը, հրետանային միջոցներում ևս կա թուրքական արտադրության մաս»,- նշեց Արծրուն Հովհաննիսյանը: