«Տեղում ներդրեք վերիֆիկացիոն մեխանիզմներ, ստիպեք Ադրբեջանին համաձայնվել դրանց, այնուհետև գտեք մեղավորին». Մնացականյանը՝ #BBCNewshour-ին
![]() 2246 Երեքշաբթի, 20 հոկտեմբերի, 2020 թ., 12:05 ️Արտաքին գործերի նախարար Զոհրաբ Մնացականյանի հարցազրույցը «ԲիԲիՍի Նյուզաուր»-ին ԲիԲիՍի. Նախարար Մնացականյան, ինչո՞ւ հայկական ուժերը խախտեցին զինադադարը: Զոհրաբ Մնացականյան. Մեղքը մի բարդեք մեզ վրա: Հայաստանը լիովին հավատարիմ է ձեռքբերված զինադադարի հաստատման իր պայմանավորվածությանը: Եթե դուք մեզ եք մեղադրում, ապա ես եմ հարց առաջադրում. տեղում ներդրեք վերիֆիկացիոն մեխանիզմներ, ստիպեք Ադրբեջանին համաձայնվել դրանց և այնուհետև գտեք մեղավորին: Այսպիսով, նրանք են հանցագործները: Սա է հենց Ադրբեջանի քաղաքականությունը. մեղադրանքներ հնչեցնել և ագրեսիան շարունակելու արտոնություն ստանալ: Սա այն է, ինչ նրանք անում են, անում էին ողջ ընթացքում և շարունակում են նաև հիմա. կատարյալ անհարգալից վերաբերմունք և արհամարհանք իրենց իսկ ստանձնած պարտավորությունների նկատմամբ, շարունակական ագրեսիա, քաղաքացիական բնակչության շրջանում շարունակական ավերածություններ: Սա սարսափելի է: Սա բացարձակապես անընդունելի է: ԲիԲիՍի. Այսպիսով, Դուք կտրականապես հերքում եք Ադրբեջանի պաշտպանության նախարարության պնդումներն առ այն, որ դուք՝ հայկական բանակն է խախտել զինադադարը՝ ուժի մեջ մտնելուց անմիջապես հետո: Զոհրաբ Մնացականյան. Այն ուժի մեջ է մտել կեսգիշերին: Եվ այս համաձայնագրի ուժի մեջ մտնելուց րոպեներ անց մենք արդեն իսկ արձանագրում էինք ադրբեջանական կողմի խախտումներ: Գիշերը հարաբերական անդորր է եղել: Ժամը 7:20-ին նրանք սկսել են զանգվածային հարձակողական գործողություններն Արցախի դեմ: Առավոտյան ժամը 7:20-ին տեղի ունեցած միջադեպի մասին հաղորդեցին մեր Պաշտպանության նախարարությունը և Արցախի Պաշտպանության բանակը, ինչի հիման վրա էլ մենք հանդես եկանք հայտարարությամբ: Եվ սա հստակ հաստատված է: Այս մասին մենք շատ հստակ ասել ենք. ոչ մի պարագայում մենք չենք ընդունելու որևէ մեղադրանք, ոչ մի պարագայում մենք չենք ընդունելու հավասարության նշան դնելու այս քայլերը, որոնք, ըստ էության, արտոնում են Ադրբեջանին՝ շարունակելու այս ագրեսիան: |
Ուկրաինայի նախագահը ներկայացրել է պատերազմի մեկ տարվա ծախսը
8201:26«Սերժ Սարգսյանի հայտարարությունն էական է և պարունակում է մի քանի շերտ»․ Հակոբ Բադալյան
13001:06«Թուրքական հետախուզությունը բացահայտել է Իսրայելի ռազմավարական թիրախների ցուցակը»․ Արա Պողոսյան (տեսանյութ)
12500:30«14 միլիոն եվրո կհատկացվի Արցախի փախստականներին բնակարաններով ապահովելու համար»․ Դավիդ Վան Վել
251Երեկ, 23:48««Գյումրիի օրը» ավանդական ձևով կկայանա»․ Վարդան Ղուկասյան
154Երեկ, 23:24«Թրքամետներն ընտրություններին ընդառաջ անցնելու են գրոհի». Արամայիս Աղաբեկյան
139Երեկ, 23:12ԵՄ-ն դադարեցնում է Իսրայելին տրամադրվող ֆինանսական աջակցությունը
164Երեկ, 23:02«Քննարկվել են գործընկերության, ՀՀ դիմակայունության ամրապնդմանն ուղղված քայլերը»․ ԱԳՆ
147Երեկ, 22:42