«Սյունիքում հակառակորդն առաջին հերթին փորձում է վարել ակտիվ հետախուզություն»․ Արտակ Դավթյան

«Երեկ Սյունիքում ՀՕՊ-ն ադրբեջանական ԱԹՍ է ոչնչացրել։ Սա առաջին դեպքը չէ։ Մեր հակաօդային պաշտպանության միջոցները բավականին ակտիվ և արդյունավետ աշխատում են»,- այս մասին «Ազատության»-ը հայտնել է Սյունիքում պաշտպանական աշխատանքների համակարգող Արտակ Դավթյանը՝ միաժամանակ նշելով, որ հակառակորդը դասեր է քաղել ՀՕՊ-ի հզոր աշխատանքից և փորձում է այլ հնարքներով կատարել խնդիրները, որ չխոցվի։
«Սյունիքի մարզում հակառակորդն առաջին հերթին փորձում է վարել ակտիվ հետախուզություն, որ հասկանա, թե ինչքանով է Հայաստանն աջակցում Արցախին մարտական գործողությունների ժամանակ, նաև երևի այլ ռազմական նպատակներ է հետապնդում։ Ունեցել ենք դեպքեր, երբ փորձում է հարված հասցնել ռազմական նշանակության ենթակառուցվածքներին»,- հայտնել է Դավթյանը։