Եվ՛ մարտադաշտում, և՛ դիվանագիտական դաշտում մենք դեռ փամփուշներ, հրթիռ ու կործանիչներ ունենք. հայտարարություն
351 Հինգշաբթի, 22 հոկտեմբերի, 2020 թ., 19:05 «Ժառանգություն» կուսակցությունը հայտարարություն է տարածել. «Ցեղասպան ահաբեկիչ Թուրքիան արդեն լիովին իրեն է ենթարկել Ադրբեջանը, որն իբրև պետություն Ալիևի գլխավորությամբ կորցրել է որևէ ինքնուրույնություն, ուստի հրաժարվում է հրադադար կնքելու ցանկացած ողջամիտ առաջարկությունից: Ոճրագործ Թուրքիան ամեն կերպ փորձում է դառնալ բանակցությունների կողմ և լուծել իր նվաճողական խնդիրները՝ հաստատվել Հարավային Կովկասում իբրև թելադրող ուժ, այնտեղից էլ ծավալվել դեպի Եվրոպա և Ասիա, աշխարհի բոլոր ծագեր՝ համթուրքականության խելահեղ ծրագրի մոլուցքով: Հայաստանը և Արցախը մղում են հայրենական պատերազմ, և մենք 21-րդ դարի Սարդարապատի ճակատամարտին ենք պատրաստ: «Ժառանգություն» կուսակցությունն այս պատերազմի ողջ ծանրության, քաղաքական պատասխանատվության անվարան կրողներից է: Բոլորս ընդունենք մեր հայրենի հողի և ազգային գոյի համար մղվող մարտահրավերը, համախմբվենք ամեն ինչ մարտադաշտի համար, ամեն ինչ բանակի համար, ամեն ինչ Հայաստան-Արցախի համար պետականորեն պարզած կարգախոսներով, միասնական բռունքցք դառնանք և հաղթենք այս վերջին ճակատամարտում: Պատրաստ ենք «Ժառանգություն» կուսակցության քաղաքական դրոշը վերածել մարտադրոշի ու այն սրբորեն ծածանել ռազմադաշտի մեզ հատկացված հատվածում: Հայրենի հողը սակարկության ենթակա չէ: «Ժառանգությունը» համոզված է և՛ մարտադաշտում, և՛ դիվանագիտական դաշտում մենք դեռ փամփուշներ, հրթիռ ու կործանիչներ ունենք, որոնք դեռ պետք է համախումբ գործի դնենք: Հայրենիքը վտանգի մեջ է, հայրենիքը փրկության կարիք ունի և բոլորս լծվում ենք այդ գործին: Ի զեն և ի հաղթանակ: Հայոց պետությունն անսասան է և հաղթանակող»: |
Ադրբեջանական լրատվամիջոցներում հրապարակված թուղթը կեղծ է. ԱԳՆ
167Երեկ, 18:48ԵՄ-ն մեկնաբանել է ԼՂ-ից ռուս խաղաղապահների դուրսբերման գործընթացը
193Երեկ, 18:24Սամվել Վարդանյանը ճանաչվել է տուժող. ՔԿ
281Երեկ, 13:36ՔԿ-ն մանրամասներ է ներկայացրել Սամվել Վարդանյանի գործից
163Երեկ, 11:24Կլաարը կդառնա Ուզբեկստանում ԵՄ դեսպանը
57917.04.2024, 23:36Փաշինյանը նոր որոշում է ստորագրել
27817.04.2024, 18:54Վարչապետը ներկայացրել է սահմանազատման գործընթացում առկա իրավիճակը
22617.04.2024, 13:36«Վերընտրվելու շնորհավորանքներն Ալիևն ընկալել է հայերի դեմ քաղաքականությունը շարունակելու եվրոպական մանդատ». Գևորգյան
23917.04.2024, 01:00