Շաբաթ, 21 նոյեմբերի, 2026 թ.
|
Ստեփանակերտում`   +7 °C

ԱԺ արտահերթ նիստն ավարտվեց

ԱԺ արտահերթ նիստն ավարտվեց
383
Երկուշաբթի, 02 նոյեմբերի, 2020 թ., 17:25

Կառավարության նախաձեռնությամբ գումարվել էր Ազգային ժողովի արտահերթ նիստ: Այն տևեց մոտ 20 րոպե:

68 կողմ ձայնով ընդունվեց «Տեղական ինքնակառավարման մասին» ՀՀ օրենքում փոփոխություն կատարելու նախագիծը, 69 կողմ ձայնով՝ «Երևան քաղաքում տեղական ինքնակառավարման մասին» ՀՀ օրենքում փոփոխություն կատարելու նախագիծը:

Առաջին նախագծով, ըստ ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանի, կհստակեցվեն համայնքի ղեկավարի տեղակալի հանձնառությունները: Տեղակալը կփոխարինի համայնքի ղեկավարին վերջինի բացակայության ժամանակ: Կհստակեցվեն նաև տեղակալի գործառույթները ռազմական դրության հետ կապված իրավիճակներում:

Երկրորդ նախագծով, ըստ Տերտերյանի, առաջարկվում է Երևանի քաղաքապետի տեղակալների թիվն ավելացնել ևս մեկով, վերջինը ռազմական դրության ընթացքում կղեկավարի աշխարհազորային բրիգադը: Այսպիսով՝ 3 տեղակալի փոխարեն քաղաքապետը կարող է ունենալ 4 տեղակալ:

Վաղը ժամը 13.00-ին տեղի կունենա նախագծերի՝ երկրորդ ընթերցմամբ քննարկումը:

ԱԺ արտահերթ նիստ