«Որևէ կաշկանդվածություն չունենք». Լիլիթ Մակունց

«Դուք կաշկանդվածություն չունե՞ք՝ պայմանավորված նրանով, որ մշտապես նախկինների դեմ հատուկ վերաբերմունք և տրամադրվածություն եք ունեցել, իսկ այսօր նրան առաջարկում եք ԲԴԽ անդամի թեկնածություն: Գ. Ջհանգիրյանը հենց նախկիններից մեկն է: Մամուլում շրջանառվել է նաև նրա, իբր, կոռուպցիոն ճանապարհով կուտակված կարողությունների մասին վարկածներ՝ Մոնումենտի առանձնատունը, նրա շքեղ կյանքը, դիզած կարողությունները... Կարո՞ղ էր պետական աշխատողը նման շքեղություն իրեն թույլ տար»,- ԱԺ-ում ճեպազրույցի ժամանակ լրագրողների այս հարց-դիտարկմանը ԱԺ «Իմ քայլը» խմբակցության ղեկավար Լիլիթ Մակունցը պատասխանեց. «Ոչ, որևէ կաշկանդվածություն չունենք ներկայացնելու Գագիկ Ջհանգիրյանին: Ինչ վերաբերում է հարցի մյուս հատվածին, որոնք առնչվում են Գագիկ Ջհանգիրյանին, կարծում եմ հենց ինքը կտա այդ հարցերի պարզաբանումը»:

Լ. Մակունցը նշել է, որ քննարկվում են տարբեր թեկնածություններ և չի բացառվում, որ հաջորդ քառօրյային երկրորդ թեկնածուին ևս կառաջադրեն: