Կիրակի, 16 նոյեմբերի, 2025 թ.
|
Ստեփանակերտում`   +12 °C

Երևանում որոշ ժամանակով կդադարեցվի համար 26, 38 և 99 երթուղիների սպասարկումը

Երևանում որոշ ժամանակով կդադարեցվի համար 26, 38 և 99 երթուղիների սպասարկումը
560
Երեքշաբթի, 06 ապրիլի, 2021 թ., 21:12

Երևանում ապրիլի 8-ին մինչև կեսօր կդադարեցվի ներհամայնքային 26, 38 և 99 երթուղիների սպասարկումը: Տեղեկությունը հայտնում է Երևանի քաղաքապետարանը:

«Նշված երթուղիների սպասարկումը կդադարեցվի նոր ավտոբուսների զննման համապատասխան գործընթացի նպատակով։ Պատճառվող ժամանակավոր անհարմարությունների համար հայցում ենք ձեր ներողամտությունը»,- նշված է հաղորդագրության մեջ:

Հիշեցնենք՝ Երևանի քաղաքապետարանն ավելի վաղ հայտարարել էր, որ մեկ-երկու շաբաթը մեկ հաճախականությամբ նոր շարժակազմով շահագործվող երթուղիներ են լինելու։ Քաղաքապետի մամուլի խոսնակ Հակոբ Կարապետյանը մարտի 17-ին հայտնեց, որ ժամկետները փոքր-ինչ հետաձգվում են ավտոբուսների մատակարարի՝ ռուս-վրացական սահմանին ունեցած բարդությունների հետ կապված։