Կազանի վարժարան գնալուց առաջ Գալյավիևը փորձել է հրկիզել իր բնակարանը

Իլնազ Գալյավիևը, ով նախօրեին կրակ էր բացել Կազանի դպրոցում, հանցագործությունից առաջ փորձել է հրկիզել իր բնակարանը: Այս մասին հայտնում է Газета.ru-ն՝ վկայակոչելով Baza Telegram-ալիքը։

Նշվում է, որ երեքշաբթի առավոտյան ժամը 9-ի սահմաններում կասկածյալն իր տան դռներից մեկի վրա ամոնիումի նիտրատ (սելիտրա) է լցրել, այրել այն և հեռացել: Կրակը չի տարածվել, ուստի արդեն վարժարանում տեղի ունեցածից հետո քննիչները խուզարկություն են իրականացրել երիտասարդի բնակարարնում։
Baza-ի տեղեկատվության համաձայն՝ Գալյավիևի տանը իրավապահները սելիտրայի մի քանի փաթեթ, անհայտ, փոշենման նյութ և ալյումինի փոշի են հայտնաբերել: Կասկածյալն իր հետ ուսումնական հաստատություն է տարել «Hatsan Escort» հրացանը, ինչպես նաև 445 փամփուշտ, դանակ ու մի քանի տասնյակ մանեկ:
Հիշեցնենք՝ մայիսի 11-ին Կազանի թիվ 175 դպրոցում հրաձգություն է տեղի ունեցել: Ներկայումս հաստատվել է 9 մարդու մահը, 21-ը՝ վիրավորվել են։ 19-ամյա հարձակվող Իլնազ Գալյավիևը ձերբակալվել է։ Վարժարանի վրա հարձակման փաստով քրեական գործ է հարուցվել։