Իսրայելական օդուժն ավերել է Պաղեստինի աշխատանքի նախարարության շենքը

Իսրայելի ռազմաօդային ուժերն ամբողջովին ավերել են Գազայի Աշխատանքի նախարարության շենքը: Այս մասին տեղեկացրել է Պաղեստինի կառավարության մամուլի ծառայության ղեկավար Սալամա Մաարուֆը:
Նրա խոսքով՝ իսրայելական ինքնաթիռներն այսօր առավոտյան կրակ են բացել Գազայի կենտրոնում գտնվող շենքերի ուղղությամբ:
«Հրետակոծության հետևանքով Աշխատանքի նախարարությունների շենքն ամբողջությամբ ավերվել է, սոցիալական զարգացման նախարարության շենքը, դրա պահեստները, ինչպես նաև դրան հարող շենքերը զգալի վնասներ են կրել»,— ասված է հայտարարության մեջ:
Իսրայելի պաշտպանական ուժերն իրենց հերթին հայտնել են, որ իրենց կործանիչը հարվածել է Համաս Ջաբալիա գումարտակի հրամանատարի տանը:
Ըստ վերջին տվյալների՝ պաղեստինյան խմբավորումները գրեթե 3000 հրթիռ են արձակել Իսրայելի ուղղությամբ, որոնց մեծ մասը որսացել է «Երկաթե գմբեթ» ՀՕՊ համակարգը: Իսրայեում զոհերի թիվը հասել է 9-ի, ավելի քան 200 վիրավոր կա:
Իսրայելն իր հերթին հարվածներ է հասցնում Գազայի հատվածին: Միևնույն ժամանակ սպանվել են մի քանի զինյալներ, ոչնչացվել են զենքի արտադրության տասնյակ արհեստանոցներ, զենքով պահեստներ և հրթիռային կայանքներ, որոնցից կրակում են Իսրայելի տարածքի ուղղությամբ: Ըստ Պաղեստինի առողջապահության նախարարության, այս հարձակումների զոհ է դարձել առնվազն 174 մարդ, վիրավորվել է շուրջ 1200 մարդ:

Ռումինիայում 5,7 մագնիտուդ ուժգնությամբ երկրաշարժ է տեղի ունեցել (տեսանյութ)
4313:25
Իրանի ԶՈՒ-ն հարվածել է Քուվեյթում գտնվող ԱՄՆ ռազմաբազային
22109:31
Թուրքիայի արևմուտքում երկրաշարժ է տեղի ունեցել
275Երեկ, 22:25
Արմավիրի մարզում վիճաբանությունը վերածվել է դանակահարության, կա 3 վիրավոր
296Երեկ, 21:01
Ուկրաինական ԱԹՍ-ները հարձակվել են Ուֆայի և Սալավաթի արդյունաբերական գոտիների վրա (տեսանյութ)
346Երեկ, 14:19
Ուկրաինայի զինված ուժերը կրկին հարվածել են Ղրիմի կամրջին (տեսանյութ)
381Երեկ, 09:06
Խոշոր վթար Լոռիում. մեքենան մասամբ հայտնվել է գետի ափին
25316.11.2026, 20:06
Ռուսաստանը հարվածել է Ուկրաինայի երեք խոշոր քաղաքների քաղաքացիական ենթակառուցվածքներին
44516.11.2026, 20:00