Բլինքենն ու Լավրովը քննարկել են հայ-ադրբեջանական հակամարտության կարգավորման հարցը

ՌԴ ԱԳ նախարար Սերգեյ Լավրովն ու ԱՄՆ պետքարտուղար Էնթոնի Բլինքենը քննարկել են սիրիական ճգնաժամի շուրջ ստեղծված իրավիճակը, ինչպես նաև Հայաստանի և Ադրբեջանի միջև հակամարտության կարգավորմանն առնչվող հարցեր:
«Պետքարտուղարն ընդգծել է Սիրիայի ժողովրդի համար հումանիտար հասանելիության ապահովման անհրաժեշտությունը, նրանք քննարկել են նաև տարածաշրջանային թեմաներ, այդ թվում՝ Հայաստանի և Ադրբեջանի միջև հակամարտության երկարաժամկետ քաղաքական կարգավորման որոնումների հարցը»,- այս մասին տեղեկացնում է Պետդեպը:
Նշվում է, որ Բլինքենն ու Լավրովը քննարկել են նաև թեմաներ, որոնց շուրջ համագործակցությունը փոխադարձ հետաքրքրություն է ներկայացնում երկու երկրների համար։