Չորեքշաբթի, 18 նոյեմբերի, 2026 թ.
|
Ստեփանակերտում`   +3 °C

«Երեխայի անվտանգությունը սկսվում է դպրոց տանող ճանապարհից»․ Հայկուհի Հովհաննիսյան

«Երեխայի անվտանգությունը սկսվում է դպրոց տանող ճանապարհից»․ Հայկուհի Հովհաննիսյան
34
Այսօր, 00:48

Ուսուցչուհի Հայկուհի Հովհաննիսյանի ֆեյսբուքյան գրառումը․ «Սա Աբովյանի թիվ 7 դպրոցի ճանապարհն է։ Այն ճանապարհը, որով ամեն օր երեխաները պետք է անվտանգ հասնեն դպրոց։
Մայթի կառուցումը կիսատ է մնացել։ Մայթի զգալի հատվածը ժամանակին սեփականաշնորհվել է, և արդյունքում երեխաները ստիպված են ճանապարհի մի մասն անցնել հողոտ, չբարեկարգված տարածքով։
Իսկ այստեղ կոյուղին պարբերաբար խցանվում է։ Կեղտաջրերը հոսում են հենց այն ճանապարհով, որով երեխաները ստիպված են քայլել, քանի որ մայթ չկա։
Հիմա պատկերացրեք՝ անձրևոտ եղանակին ինչ պայմաններում են երեխաները հասնում դպրոց։ Որտե՞ղ քայլեն, ինչպե՞ս շրջանցեն այդ ամենը, և ո՞վ է պատասխանատու նրանց անվտանգության համար։
Մենք հաճախ խոսում ենք կրթության որակի, դպրոցական միջավայրի և երեխայի իրավունքների մասին։ Բայց երեխայի անվտանգությունը սկսվում է դպրոց տանող ճանապարհից։
Սա պարզապես չավարտված մայթի կամ խցանված կոյուղու հարց չէ։ Սա երեխաների նկատմամբ պատասխանատվության հարց է։
Սա է իրականությունը։ Եվ այս իրականությունը չպետք է դառնա սովորական։
1400 աշակերտ ունեցող դպրոցի ծնողներ. ձեզ չի՞ հուզում ձեր երեխանների անվտանգությունը»։