Իրաքի կորոնավիրուսային հիվանդանոցում հրդեհի զոհերի թիվը գերազանցել է 50-ը

863

Երեքշաբթի, 13 հուլիսի, 2021 թ., 11:42

Իրաքի հարավում գտնվող Նասիրիա քաղաքի՝ կորոնավիրուսով հիվանդների համար բացված հիվանդանոցում բռնկված հրդեհի հետևանքով զոհերի թիվը հասել է 52-ի, տուժածների թիվը՝ 70-ի, հաղորդում է Al Arabiya հեռուստաալիքը:

Ավելի վաղ հաղորդվել էր, որ հրդեհի հետևանքով առնվազն 40 մարդ է զոհվել, 30-ը՝ վիրավոր է:

Նախնական տվյալներով՝ հրդեհը տեղի է ունեցել թթվածնային բալոնները սխալ օգտագործելու պատճառով։

Alsumaria հեռուստաալիքի տվյալներով՝ Դի Քար նահանգի իշխանությունները որոշել են եռօրյա սուգ հայտարարել, ինչպես նաև հատուկ հանձնաժողով ձևավորել ողբերգության հանգամանքները հետաքննելու համար: