Ֆլորիդայում շենքի փլուզման հետևանքով զոհերի թիվը հասել է 97-ի

684

Հինգշաբթի, 15 հուլիսի, 2021 թ., 10:30

ԱՄՆ Ֆլորիդա նահանգի Սերֆսայդ քաղաքում բնակելի շենքի փլուզման հետևանքով զոհերի թիվը հասել է 97-ի: Այս մասին հայտնել է Մայամի-Դեյդ շրջանի ղեկավար Դանիելա Լևին Քավան։

Երեքշաբթի հաղորդվել էր, որ զոհերի թիվը հասել է 95-ի։ Անհայտ է մնացել 14 մարդու ճակատագիր։

Հիշեցնենք՝ Սերֆսայդում բազմահարկ բնակելի շենքը փլուզվել է հունիսի 24-ի գիշերը։ Առաջին օրը փլատակների տակից հաջողվել է դուրս բերել 37 մարդու:

Հուլիսի 7-ին իշխանությունները որոշում են կայացրել դադարեցնել փրկարարական գործողությունները, այժմ աղետի վայրում փնտրում են զոհվածների մարմինները: