«Ես ժամանակ ունեմ, չէ՞՝ էդ հարցի մասին մտածելու»․ Չարչյանը՝ Վարդևանյանին

«Էսօր իմ առաջ երկու օպցիա կա՝ վերադառնալ «Իզմիրլյան» բժշկական կենտրոնի տնօրինությանը և երկրորդ՝ ընդունել մանդատը «Հայաստան» դաշինքի կողմից և գործունեությունս շարունակել ԱԺ-ում՝ որպես պատգամավոր»,- այսօր՝ «Վարդաշեն» ՔԿՀ-ի մոտ լրագրողների հետ զրույցում, հայտարարեց «Հայաստան» դաշինքի անդամ, բժիշկ Արմեն Չարչյանը։

Այնուհետև Չարչյանը դիմելով իր պաշտպաններին՝ հարցրեց․ «Ես ժամանակ ունեմ, չէ՞, էդ հարցի մասին մտածելու»։

«Երեք ժամ ունեք, ես էլ օպցիաներից երկրորդն արդեն հայտարարել եմ»,- պատասխանեց պաշտպան Արամ Վարդևանյանը։

«Դե որ պաշտպանն ասում ա, ես բացարձակապես իմ պաշտպանին հավատում եմ»,- պատասխանեց Չարչյանը։