Կիրկորովին արգելել են մուտք գործել Ուկրաինա

Ուկրաինայի անվտանգության ծառայությունը ռուս երգիչ Ֆիլիպ Կիրկորովին, 3 տարի ժամկետով, արգելել է մուտք գործել երկիր:

Հունիսին Ուկրաինայի մշակույթի նախարարությունը երգչին ներառել էր այն անձանց ցուցակը, որոնք վտանգ են ներկայացնում ազգային անվտանգության համար։ Ավելի ուշ Մշակույթի նախարարության մամուլի ծառայությունը հայտնել էր, որ Կիրկորովին հեռացրել են սև ցուցակից՝ անվտանգության ծառայության նոր դիմումի պատճառով:

«Ուկրաինայի ազգային անվտանգության ապահովման շահերից ելնելով՝ 2021 թվականի հունիսի 7-ին Ուկրաինայի անվտանգության ծառայությունը որոշում է ընդունել՝ Կիրկորովի մուտքն Ուկրաինայի տարածք 3 տարի ժամկետով արգելելու մասին»,- ասված է Ուկրաինայի անվտանգության ծառայության հաղորդագրության մեջ։