Հրապարակվել է թուրք մրցակիցներից առաջ անցած և ոսկե մեդալ շահած Ռաֆիկ Մինասյանի պարգևատրման տեսանյութը

Ինչպես արդեն հայտնի է, երեկ՝ օգոստոսի 21-ին Լեհաստանում կայացած ծանրամարտի Եվրոպայի պատանեկան առաջնության հաղթող է դարձել Հայաստանի ներկայացուցիչ Ռաֆիկ Մինասյանը:

61 կգ քաշային կարգում Մինասյանը գերազանցել էր թուրք մարզիկներին: Պոկում վարժությունում նա 114 կգ արդյունքով զբաղեցրել է 2-րդ հորիզոնականը, իսկ հրում վարժությունում գրանցել է 144 կգ արդյունք, որով լավագույնն է եղել:
Երկամարտում Ռաֆիկ Մինասյանը գրանցել է 258 կգ արդյունք:

Համացանցում հրապարակվել է պարգևատրման արարողության տեսանյութը: