«Ձեզ հետ ճշտելով են դատավորները վճիռներ կայացնում». Թովմասյանը՝ Ջհանգիրյանին

234

Երեքշաբթի, 14 սեպտեմբերի, 2021 թ., 10:42

«Պատիվ ունեմ» խմբակցության պատգամնավոր Թագուհի Թովմասյանը դիմելով ԲԴԽ նախագահ Գագիկ Ջհանգիրյանին՝ հարցրեց. «Ուզում եմ հետաքրքրվել այն մտահոգիչ տեղեկությունների մասին, որոնք պտտվում են Ձեր գործունեության վերաբերյալ: Այն, որ Դուք դատական իշխանությունը դարձրել եք գրպանային և որ Ձեզ հետ ճշտելով են դատավորներն սկսել վճիռներ կայացնել, ինչն անթույլատրելի է»:

«ԲԴԽ-ն դատական իշխանության բարձրագույն մարմինն է, ուստի ես ձեռնպահ կմնամ քաղաքական որևէ գնահատականներից, բայց Դուք կոնկրետ մեղադրանք եք հնչեցնում: ԲԴԽ-ն կոլեգիալ մարմին է, կազմված է 10 անդամից, որից 5-ը դատավոր են, 5-ը՝ իրավաբաններ, ու խորհրդի նախագահը որևէ առանձին լիազորությամբ օժտված չէ: ԲԴԽ-ն դատավարական որևէ գործառույթով օժտված չէ»,- ասաց Ջհանգիրյանը: