«Մոդեռնա» ընկերության պատվաստանյութը Հայաստանում է․ ԱՆ

677

Երեքշաբթի, 05 հոկտեմբերի, 2021 թ., 16:30

ՀՀ Առողջապահության նախարարությունը հայտնում է, որ Լիտվայի կառավարությունից Հայաստանի Հանրապետությանը նվիրաբերված ամերիկյան «Մոդեռնա» ընկերության 50 հազար դեղաչափ «Սպայկվաքս» պատվաստանյութը հասել է Հայաստան: Նշվում է, որ բաշխումից հետո ներկրված խմբաքանակը հասանելի կլինի առողջության առաջնային պահպանման օղակում և շարժական պատվաստումային կետերում:
Ինչպես Հայաստանում կիրառվող մյուս պատվաստանյութերը, «Սպայկվաքս» պատվաստանյութը ևս նախատեսված է 18 և բարձր տարիքի անձանց շրջանում կորոնավիրուսային հիվանդության դեմ պատվաստումներ իրականացնելու համար:

Աղբյուրը` ՀՀ Առողջապահության նախարարություն