«Հոկտեմբերի 14-ին ընդառաջ ոտուձեռ ընկած իշխանությունը ներկայացրել է օրենքներում փոփոխություն կատարելու նախագծեր». Ռոբերտ Հայրապետյան

793

Երկուշաբթի, 11 հոկտեմբերի, 2021 թ., 10:24

«Հայաստան» դաշինքի անդամ, փաստաբան Ռոբերտ Հայրապետյանի գրառումը․ «Հոկտեմբերի 14-ին ընդառաջ ոտուձեռ ընկած իշխանությունը ներկայացրել է Աշխատանքային օրենսգրքում և «Հանրային ծառայության մասին» օրենքում լրացումներ և փոփոխություն կատարելու նախագծեր, որոնցով սահմանվում են աշխատողին աշխատանքի չթույլատրելու, գործատուի կողմից աշխատանքային պայմանագիրը լուծելու, հանրային պաշտոն զբաղեցնող անձին կամ հանրային ծառայողին աշխատանքի չթույլատրելու և լիազորությունների դադարեցման կամ զբաղեցրած պաշտոնից ազատելու հիմքերն այն դեպքերի համար, երբ աշխատողը կհրաժարվի պատվաստվել կամ ներկայացնել ՊՇՌ տեստի բացասական արդյունքը հավաստող տեղեկանք:

Ամենազավեշտալին այն է, օր օրենքի փոփոխության հիմնավորման մեջ գրված է բացառապես COVID-19-ի վիճակագրությունը:

Այս առերևույթ հակաիրավական օրինագիծը ևս մեկ փաստ է, որն անուղղակի ճնշում է գործադրելու քաղաքացիների վրա պատվաստման հարցով և ծանրաբեռնելու է դատարանները հայցերով:

Հ. Գ. Հույս ունեմ, որ ՍԴ-ն մոտ օրերս խելամիտ որոշում կընդունի»:

Աղբյուրը` Ռոբերտ Հայրապետյան