«Սպասվում է չինական արտադրության պատվաստանյութի նոր խմբաքանակ»․ Ռոմելլա Աբովյան

«Քննարկումներ են գնում «Pfizer» պատվաստանյութի ներկրման ուղղությամբ»,- այսօր՝ ասուլիսի ժամանակ հայտարարեց ՀՀ ԱՆ հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը ՝ ընդգծելով, որ Հայաստանը պատվաստանյութի հետ կապված խնդիր չի ունեցել։ Աբովյանը նշեց, որ մոտ օրերս սպասվում է նաև չինական արտադրության պատվաստանյութի նոր խմբաքանակ։ Հարցին, թե կոնկրետ երբ կլինի այն, Ռոմելլա Աբովյանը պատասխանեց․ «Հստակ ժամանակ հնարավոր չէ ասել, բայց օպերատիվ աշխատանքներ են տարվում»։