«Այս թվերի հետևում կանգնած են հակապատվաստումային քարոզիչները, կեղծ հավաստագիր վաճառող բուժաշխատողները». Արփի Դավոյան

ՔՊ-ական պատգամավոր Արփի Դավոյանը ֆեյսբուքյան իր էջում գրում է. «Երեկ կատարվել է 19360 թեստավորում, որից հաստատվել է COVID-19-ի 1863 նոր դեպք: Ունենք 935 առողջացած, մահվան 41 դեպք: Այս պահին փաստացի բուժում է ստանում 20161 պացիենտ:
Ամեն առավոտ մարդիկ կարդում են այս թվերը և անցնում իրենց գործերին, կարծես ոչինչ էլ չի եղել, բայց սրանք սոսկ թվեր չեն, այս ամենի հետևում կանգնած են հակապատվաստումային քարոզիչները, պատվաստված լինելու կեղծ հավաստագիր վաճառող բուժաշխատողները, քովիդը հորինած ինչ-որ սարսափ ֆիլմ համարողները, պատվաստանյութի մասին ամենաֆանտաստիկ պատմություններ հորինողները և դրանց հավատացողները։
20161 պացիենտ բուժում է ստանում, բուժաշխատողները գիշեր ու զօր պայքարում են նրանց կյանքի և առողջության համար՝ վտանգելով իրենց կյանքն ու առողջությունը։
41-ը լոկ թիվ չէ, մարդիկ են, կյանքեր, ընտանիքներ, որոնք ունեին երազանքներ...
Անտարբերությունն ու դավադրապաշտությունը ամեն օր թվեր են ավելացնում, իսկ եթե ճիշտ՝ կյանքեր...
Պատվաստվեք և մի վտանգեք Ձեզ և Ձեր հարազատներն»: