«Ի՞նչի վրա են ծախսվել այդ գումարները, ուր է «Փֆայզեր»-ը». Ռոբերտ Հայրապետյան

«Հայաստան» դաշինքի անդամ, փաստաբան Ռոբերտ Հայրապետյանի գրառումը․ «Հարց առողջապահության նախարարի աթոռային ֆոնդը սպառած տիկնոջը. 2021 թվկանի հուլիսի 29-ին կառավարության նիստով որոշվեց 3 մլրդ 459 մլն դրամ հատկացնել «Սինոֆարմ» ու «Փֆայզեր» պատվաստանյութեր գնելու համար:
2021 թվականի հոկտեմբերի 28-ի դրությամբ Հայաստանում «Փֆայզեր» պատվաստանյութն առկա չէ: Քաջ գիտակցում եք, որ բնակչության մի ստվար զանգված սպասում է «Փֆայզեր»-ին, որպեսզի պատվաստվի համավարակի դեմ, բայց այն Ձեր աննախադեպ անգործության արդյունքում դեռ չկա:
Ի՞նչի վրա են ծախսվել այդ գումարները և ի՞նչու մինչև այսօր Հայաստանում չկա «Փֆայզեր» տեսակի պատվաստանյութը»: