«Այս աղետն օր առաջ կանգնեցնել է պետք». Արմեն Մուրադյան

ԵՊԲՀ ռեկտոր Արմեն Մուրադյանը ֆեյսբուքյան իր էջում գրում է. «Այս աղետն օր առաջ կանգնեցնել է պետք․․. Պատմեմ, թե ինչ ենք անում մենք՝ վիրաբույժներս, վիրահատարանում, գուցե սթափվեն ոմանք։

Եվ այսպես, երբ վիրահատության ընթացքում կարծիքների փոխանակում է սկսվում, դա կարող է լինել միայն այն ուղղությամբ, որը ձևավորում է վիրահատության պատասխանատուն։ Երբ տարաբնույթ այլ քննարկումներ են գնում, շատ կարճ բառապաշարով վիրաբույժը դուրս է հրավիրում վիրահատարանից՝ կարծիք արտահայտողին․․. Քանի որ, այդ պահին նա է պատասխանատուն կյանքի և առողջության համար, և կարծիքների փոխանակումն անթույլատրելի է։

Ես գտնում եմ, որ այս հատվածում ունենք խնդիր, որը կոչվում է ամենաթողություն, որը մենք խառնում ենք խոսքի ազատության հետ, ինչը շատացնում է ՈՂԲԵՐԳՈՒԹՅԱՆ անհաշվելի դեպքերը․․․

Եվս մեկ անգամ, պատասխանատու կերպով հայտարարում եմ՝ այլընտրանք չկա, պետք է ընտրել հրատապ լուծման եղանակը՝ պատվաստումը։

Հ․ Գ․ Միգուցե կարողանայինք փրկեինք Փոքրիկին, եթե նենգ հիվանդությունը չխանգարեր մեզ․․․»: