Ուրբաթ, 21 օգոստոսի, 2026 թ.
|
Ստեփանակերտում`   +21 °C

2–րդ դեղաչափն ուշացնել չի կարելի. նոյեմբերի 1-ից նոր կարգավորում կգործի

2–րդ դեղաչափն ուշացնել չի կարելի. նոյեմբերի 1-ից նոր կարգավորում կգործի
606
Կիրակի, 31 հոկտեմբերի, 2021 թ., 11:30

Նոյեմբերի 1-ից կորոնավիրուսի հետ կապված հակահամաճարակային նոր կարգավորում կգործի։ ՀՀ կառավարության մամուլի ծառայությանը տված հարցազրույցում այս մասին ասել է ՀՎԿԱԿ վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը։

«Այն քաղաքացիները, որոնք աշխատում են և պատվաստվել են առաջին դեղաչափով, եթե խախտեն առաջին և երկրորդ դեղաչափի միջև պատվաստման ժամկետները, ապա գործատուին պետք է ներկայացնեն ՊՇՌ հետազոտման բացասական արդյունք»,–ասել է Աբովյանը։

Նրա խոսքով՝ քննարկվում է նաև ժամանցի վայրեր QR կոդով կամ էլ ՊՇՌ պատասխանով մուտք գործելու հարցը։ Լոքդաունի մասին առայժմ խոսք չկա։

Ըստ Աբովյանի, չի բացառվում, որ դեկտեմբերի 1-ից չպատվաստված քաղաքացիները, որոնք կունենան կորոնավիրուսային հիվանդություն, կբուժվեն իրենց միջոցների հաշվին։ Աբովյանի խոսքով՝ արդեն իսկ սահմանափակումների նախագիծը պատրաստ է, և առաջիկայում այն շրջանառության մեջ կդնեն։

Մասնագետը հավելել է նաև, որ ըստ ԵՄ չափանիշների՝ ՀՀ–ն մուգ կարմիր գոտում է, քանի որ Հայաստանում հիվանդացության ցուցանիշը 888 է՝ սահմանային 500-ի փոխարեն։
Մանրամասները՝ տեսանյութում: