«Մտահոգիչ է, որ չենք գիտակցում այս փաստի աղետալի հետևանքները». Արմեն Մուրադյան

ԵՊԲՀ ռեկտոր Արմեն Մուրադյանը ֆեյսբուքյան իր էջում գրել է. «Մտահոգիչ է, որ մեր Երկիրը պատվաստման նման ցածր ցուցանիշ ունի և առավել մտահոգիչ է այն, որ չենք գիտակցում այս փաստի աղետալի հետևանքները․․. COVID-19-ի դեմ պատվաստումների մեկնարկից՝ ապրիլի 13-ից ի վեր, հոկտեմբերի 24-ի դրությամբ Հայաստանում կատարվել է 677.032 պատվաստում (24% աճ 17.10.2021թվականի ցուցանիշի նկատմամբ), որից առաջին դեղաչափ՝ 466.785 (25% աճ 17.10.2021թվականի ցուցանիշի նկատմամբ), երկրորդ դեղաչափ՝ 210.245 (23.3% աճ 17.10.2021թվականի ցուցանիշի նկատմամբ), որը կազմում է բնակչության 7.1%:

Հոկտեմբերի 17-ից մինչև հոկտեմբերի 24-ն ընկած ժամանակահատվածում իրականացվել է 88.674 պատվաստում, օրական միջին տեմպը շուրջ 12.664:

Հաշվետու ժամանակահատվածում պատվաստվածների 71%-ը ստացել են 1-ին դեղաչափը, 29%՝ 2-րդ»: