ՀՐԱՏԱՊ ԼՈՒՐ. ադրբեջանական կողմը կրակել է քաղաքացիական անձանց վրա. կա զոհ և վիրավորներ

1586

Երկուշաբթի, 08 նոյեմբերի, 2021 թ., 16:54

Արցախի Հանրապետության ազգային անվտանգության ծառայությունը հայտնում է. «Այսօր ԱՀ Ազգային անվտանգության ծառայության կողմից տեղեկություններ են ստացվել այն մասին, որ ժամը 15։00-ի սահմաններում Շուշի քաղաքի մոտակա խաչմերուկում ադրբեջանական կողմից կրակոցներ են արձակվել տվյալ վայրում ջրատար խողովակների վրա աշխատանքներ կատարող քաղաքացիական անձանց վրա:

Ստեփանակերտի հիվանդանոց է տեղափոխվել չորս քաղաքացիական անձ, որոնցից մեկը մահացել է, երեքին ցուցաբերվում է բժշկական օգնություն:

Դեպքի հանգամանքները պարզելու ուղղությամբ այս պահին ազգային անվտանգության ծառայության, ոստիկանության օպերատիվ խմբերի և քննչական կոմիտեի քննիչների կողմից կատարվում են օպերատիվ-հետախուզական և քրեադատավարական միջոցառումներ»:

Աղբյուրը` Արցախի Հանրապետության ազգային անվտանգության ծառայություն