Շնող և Թեղուտ բնակավայրերից վերցված փորձանմուշների վերլուծության արդյունքները հաստատում են շրջակա միջավայրում ծանր մետաղների առկայությունը
![]() 220 Երեքշաբթի, 23 նոյեմբերի, 2021 թ., 22:18 Չեխական «Առնիկա» քիմիական անվտանգության ՀԿ-ն Հայաստանի «Համայնքային համախմբման և աջակցության կենտրոն» ՀԿ-ի և «ԷկոԼուր» տեղեկատվական ՀԿ-ի հետ համատեղ շարունակում է ներկայացնել հանքարդյունաբերության՝ մարդու առողջության և շրջակա միջավայրի վրա ունեցած ազդեցության վերաբերյալ 2021թ. իրականացված հետազոտությունների արդյունքները: Այս հրապարակման մեջ ներկայացված են Թեղուտի պղնձամոլիբդենային հանքավայրի և Թեղուտի պոչամբարի ազդեցության տակ գտնվող Լոռու մարզի խոշորացված Շնող համայնքի Շնող և Թեղուտ բնակավայրերից վերցված փորձանմուշների վերլուծության արդյունքները: Թեղուտի հանքավայրը շահագործում է «Թեղուտ» ՓԲԸ-ն։ Այս մասին հայտնում է «Էկոլուր» ՀԿ-ն։ «Նմուշները վերցվել են այն տարածքներից, որտեղ տեղի է ունենում երկրորդային քիմիական աղտոտվածություն: Այն առաջանում է ջրի, հատակային նստվածքների, տնամերձերի հողի, սենյակային փոշու և վերջապես աղտոտված տարածքներում ապրող բնակիչներից վերցված կենսանյութերի՝ մազերի և մեզի մեջ արտահոսքերի կամ աղտոտվածության տարածման հետևանքով: Փորձանմուշներում հետազոտվել է այս հանքավայրի արդյունաբերական թափոններին բնորոշ ծանր մետաղների և թունավոր տարրերի պարունակությունը։ Այսպիսով, հողի բոլոր նմուշներում մկնդեղի (As), պղնձի (Cu), նիկելի (Ni) և քրոմի (Cr) կոնցենտրացիաները գերազանցել են Հայաստանի սահմանած չափանիշներով առավելագույն թույլատրելի կոնցենտրացիաները, իսկ պղնձի դեպքում՝գրանցվել է հողում ծանր մետաղների պարունակության համար չեխական, հոլանդական և ֆրանսիական չափանիշներով սահմանային թույլատրելի կոնցենտրացիայի գերազանցում: Գետային նստվածքներում, որտեղ լցվել են պոչամբարից արտահոսքերը, բացահայտվել է մկնդեղի և քրոմի (համապատասխանաբար 10 և 41 մգ/կգ), ինչպես նաև նիկելի (38 մգ/կգ), պղնձի (216 մգ/կգ) և ցինկի (101 մգ / կգ) բարձր պարունակություն: Հանքավայրի հարևանությամբ հոսող գետի հատակային նստվածքներում հայտնաբերվել է պղնձի (617 մգ/կգ), մոլիբդենի (88 մգ/կգ), ցինկի (55 մգ/կգ) և քրոմի (20 մգ/կգ) բարձր պարունակություն։ «Առնիկայի» ծրագրի համակարգող Վալերիա Գրեչկոն շեշտեց. «Ստացված արդյունքները փոխլրացնում են Թեղուտի և Շնողի շրջակայքում աղտոտող նյութերի տարածման ընդհանուր պատկերը։ Չնայած այն հանգամանքին, որ 3 տարի առաջ մենք այս տարածքից վերցրել ենք հողի և հատակային նստվածքների փորձանմուշներ, այս տարվա արդյունքները վերահաստատում են դրանց առկայությունը տվյալ տարածքում»։ Նույն տոքսիկ տարրերը հայտնաբերվել են 6-85 տարեկան տեղի բնակիչներից վերցված մեզի փորձանմուշներում։ Համեմատության համար կատարվել է Տավուշի մարզի էկոլոգիապես բարենպաստ բնակավայրերում բնակվող բնակիչներից վերցված նմուշների հետազոտություն։ Այդ խմբի արդյունքներն ավելի ցածր ցուցանիշներ են ունեցել, քան ազդեցության գոտում գտնվող խմբի արդյունքները: Մկնդեղի և նիկելի առավելագույն պարունակությունը հայտնաբերվել է Շնողի 68-ամյա բնակչուհուց վերցված կենսանյութերում (համապատասխանաբար 78 մկգ/գ կրեատինին և 45 մկգ/գ կրեատինին): Նշենք, որ այս արդյունքները գերազանցում են նաև Չեխիայի արդյունաբերական ձեռնարկություններում աշխատողների օրգանիզմում մկնդեղի առավելագույն թույլատրելի մակարդակը, ինչը մտահոգություն է առաջացնում այս համայնքների բնակիչների առողջության համար: Հետազոտությունն իրականացվում է չեխական «Առնիկա» կազմակերպության կողմից՝ հայաստանյան «Համայնքային համախմբման և աջակցության կենտրոն» և «ԷկոԼուր» տեղեկատվական հասարակական կազմակերպությունների հետ համատեղ՝ Չեխիայի Հանրապետության արտաքին գործերի նախարարության ֆինանսական աջակցությամբ՝ Վերափոխումների խթանման ծրագրի շրջանակներում»,- նշվում է ՀԿ-ի տարածած հրապարակման մեջ: |
«Ես չեմ ներելու Սերժ Սարգսյանին, որ պատրաստեց ու փաստացի իշխանությունը տվեց նիկոլին». Նարինե Կիրակոսյան
12403:12«ՀԷՑ-ը պետականացնում են, որ այդ ոլորտն էլ տապալեն ու հանձնեն Թուրքիայի՞ն»․ Ոսկան Սարգսյան
11302:06Եկատերինբուրգում ադրբեջանական սփյուռքի ղեկավար Շահին Շիխլինսկին ազատ է արձակվել (տեսանյութ)
20701:50«Ու այս կիսագրագետն այս անգրագիտությունն ասում է մեծ վստահությամբ». Արսեն Բաբայան
23501:42Ադրբեջանական կողմը հրապարակել է Գրոզնիի մոտ AZAL-ի ինքնաթիռը խոցելու հրամանի ձայնագրությունը (տեսանյութ)
27400:30«Ըստ Ալենի՝ շուտով կհանդիպենք». Արթուր Սարգսյան
17800:24«Սա պետք է դադարեցվի. կամ դուք կդադարեցնեք, կամ դա կանենք մենք». Ալեն Սիմոնյանը՝ ռուսական կողմին
254Երեկ, 23:54Ադրբեջանում ձերբակալված 4 ռուսաստանցիներ կալանավորվեցին 4 ամսով
208Երեկ, 23:32