16 տարեկանում մահացել է հադրութեցի մայոր Հովսեփ Մայիլյանի դուստրը՝ Մարիետա Մայիլյանը

2715

Հինգշաբթի, 02 դեկտեմբերի, 2021 թ., 20:00

Ծանր հիվանդության դեմ երկար մաքառումներից հետո հիվանդանոցում մահացել է Ապրիլյան պատերազմում՝ Ջրականի պաշտպանության ժամանակ արիաբար նահատակված հադրութեցի տանկիստ, մայոր Հովսեփ Մայիլյանի դուստրը՝ 16-ամյա Մարիետա Մայիլյանը։
Մարիետան 11 տարեկան է եղել, երբ հայրը հայրենիքի պաշտպանական մարտերում թշնամու հրետակոծությունից զոհվել է տանկի մեջ: Նրա գերեզմանն այժմ գտնվում է բռնազավթված Հադրութում:

Ըստ MAMUL.am-ի տեղեկությունների, 44-օրյա պատերազմում Մարիետան կորցրել է նաև հորաքրոջ որդուն՝ Էրիկ Աբրահամյանին: Այս կորուստները ավելի են վատթարացրել աջկա առողջական վիճակը և նոյեմբերի 30-ին նա մահացել է հիվանդանոցում:

Մարիետան ընտանիքում միջնեկն էր, ուներ 2 եղբայր: