Երկուշաբթի, 24 հունվարի, 2022 թ.
|
Ստեփանակերտում`   +4 °C

«Սա ուղիղ պատասխանն է 3+3 ձևաչափի հեռանկարին»․ քաղաքագետ

«Սա ուղիղ պատասխանն է 3+3 ձևաչափի հեռանկարին»․ քաղաքագետ
226
Հինգշաբթի, 02 դեկտեմբերի, 2021 թ., 22:54

Քաղաքագետ Էմիլ Օրդուխանյանի գրառումը․ «ՀՀ արտաքին գործերի նախարարը հանդիպում է ԱՄՆ պետքարտուղարի հետ, իսկ ՀՀ պաշտպանության նախարարն ընդունում է ԱՄՆ դեսպանին։ Երկու դեպքերում էլ խոսվում է ԵԱՀԿ Մինսկի խմբի կարևորության մասին։
Սա նշանակում է, որ այս ձևաչափը, որքան էլ փորձ արվի կազմալուծել, միևնույն է՝ չի ստացվելու։ Եվ սա ուղիղ պատասխանն է 3+3 ձևաչափի հեռանկարին։
Ուշագրավ է, որ այս ֆոնին հանդիպել են նաև ՌԴ-ի և Թուրքիայի արտգործնախարարները, որոնք 3+3 ձևաչափի ջատագովներն են։
Ըստ էության՝ տարածաշրջանում աշխարհաքաղաքական շահերի բախման կիզակետում Հայաստանն է՝ Հայկական գործոնը, որի մասին ժամանակին Բժեզինսկին էր գրել։
Եվ սա մեզ համար կարող է դառնալ հնարավորություն շահերի միջև հավասարակշռություն գտնելու և տարածաշրջանում կայունություն հաստատելու նպատակով։
Այն, ինչ հակակշռում է, նաև կարող է հավասարակշռել։
Ուստի մեզ անհրաժեշտ է գտնել հակակշիռները հավասարակշռող ճիշտ կետը»։

Աղբյուրը`   Էմիլ Օրդուխանյան